ACI CHAPTER IN MONGOLIA
Монголд анхы бетон судлалын хурлыг “High performance Concrete for Construction and/or Rehabilitation of Transportation Structures” нэртэйгээр 1998 оны 6 сарын 6-9ний хооронд АНУ-ын үндэсний ШУ-ны сангийн Олон улсын хөтөлбөрын газрын санхүүжилттэйгээр АНУ-ын Өмнөд Дакота мужийн Уул Технологийн Сургууль, Монгол Улсын ТИС хамтран ректор Бадарчийн удирдлагаар нийслэл Улаанбаатар хотод ТИС дээр амжилттай зохион байгуулж(1 ба 2-р зураг), улмаар АНУ-ын Өмнөд Дакота мужийн Уул Технологийн Сургууль, Монгол Улсын ТИС-ийн хооронд хамтран ажиллах гэрээ байгуулагдан, үүний үр дүнд 1999 онд Монгол Улсын ТИС –иас С.Цэвэл, Р.Норов нарыг АНУ-ын Өмнөд Дакота мужийн Уул Технологийн Сургуульд профессорын солилцоогоор 6 сар ажиллуулсан билээ. Энэхүү мэргэжил дээшлүүлэх, лабораторийн хичээл үдирдах явцад АНУ-ын Бетон Судлалын Институтээс зохион явуулдаг “ACI Concrete Field Testing Technician Grad I ” сургалтанд С.Цэвэл, Р.Норов нар сууж ASTM-н стандартаар Бетоны чанар шалгах арга техник эзэмшиж, эрхийн үнэмлэхтэй ирсэн бөгөөд АНУ-ын Бетон Судлалын Институт нь бусад олон оронд салбартай, түүгээрээ дамжуулан Бетон бүтээгдэхүүний чанарт хяналт хийдэг Ази, Европын орнуудад хүлээн зөвшөөрөгдсөн ASTM-н стандартуудыг үндэсний стандартуудтай хослуулан хэрэгжүүлэх боломжтой болохыг бүрэн ойлгож ирсэн учраас 2002 онд бетоны ASTM-н стандартуудыг С.Цэвэл, Д.Оюунбилэг нар орчуулж үндэсний стандарт хэмжил зүйн хороогоор баталгаажуулсан, одоогоор үйлдвэрлэлийн салбарт хэрэглээ болсон байна. Энэ үеэс ШУТИС-ийн ДаТС, БИС-дад олон улсад хүлээн зөвшөөрөгдсөн стандартаар бетон бүтээгдэхүүний чанарт хяналт хийх талаар ярьж, хяналтын лаборатори байгуулах ажил өрнүүлсэн бөгөөд улмаар 2001-2002 оны хичээлийн жилд АНУ-ын Өмнөд Дакота мужийн Уул Технологийн Сургуулийн профессор M.R.Hansen ШУТИС-д 1 жилийн хугацаагаар ирж ДаТС-д 6 сар, ба БИС-д 6 сараар тус тус ажиллан, зарим тоног төхөөрөмж авч ирж бэлэглэн, АНУ-ын Бетон Судлалын Институтийн сургалтыг төгсөгчид болон оюутны дунд ШУТИС-ийн профессоруудтай хамтран явуулсан. Ингээд 2002 онд Бетон судлалын олон улсын хурлыг Монголд хийх ажлыг ДаТС, БИС-н барилгын материал, барилгын инженерийн мэргэжлийн багш нар профессор M.R.Hansen –ийн хамт нийслэлд амжилттай зохион байгуулж, хурлаар Монголд АНУ-ын Бетон Судлалын Институтийн салбарыг /ACI chapter in MONGOLIA/ байгуулах саналыг С.Цэвэл гаргаж, дэмжигдэн 11 гишүүнтэй (УЗ) бүрэлдэхүүнтэй тэргүүлэгч/удирдах зөвлөл гишүүдийг сонгон улмаар уг байгууллагын дүрэм ёсоор тэргүүлэгчид нь ерөнхийлөгч, дэд ерөнхийлөгч, нарийн бичгийн дарга нарыг тэргүүлэгчдийн дунд санал хураалт явуулах замаар, ерөнхийлөгчөөр С.Цэвэл, дэд ерөнхийлөгчөөр Ж.Амгалан нарийг 2 жилийн хугацаагаар, нарийн бичгийн даргаар Д.Сүнжидмааг хугацаагүйгээр сонгосон бөгөөд ACI –ийн дүрэм, журмаар ажиллаж жил бүр олон улсын хурал хийж Бетон үйлдвэрлэлийн салбарт гарч буй шинэчлэлт өөрчлөлт, чанарын хяналт, шинэ бүтээгдэхүүн нутагшуулалт, шинжлэх ухааны дэвшил зэргийг ярилцдаг уламжлал тогтсон түүхтэй. Харин 2005 онд дараагийн ерөнхийлөгч Ж.Амгалан тус байгууллагыг Монгол улсад албан ёсоор бүртгүүлж Монголын Бетон Судлаачдын Холбоо нэрээр тамга тэмдэг авч төрийн бус байгууллага байдлаар ажиллах болсон ба 2013 онд удирдах зөвлөлийн хурлаар Бетон судлалын холбооны дүрэмд өөрчлөлт оруулсан.